تاليف أبوالسعود الأبيارى

عشرين مليون و زياده كانو عايشين هنا اموات

عشان حضرات الساده البهوات و الباشاوات

كان الفلاح اجرى يا مشكاح لجل اللى قاعد مرتاح

و ابو كرش كبير عامل بنكير فى اوروبا فشر سواح

علا الكونكان و علا النسوان فى دوفيل و فى كان

اصرف كُع ما فى الجيب يأتيك يا ابنى ما فى الغيب

و ما بعد سعادته سعادة أصله وجيه و ابن ذوات

و وراه حضرات السادة البهوات و الباشاوات

عشرين مليون و زياده

الغنى من دول كان اد القول كزا ألف و كزا فدان

كان هو السيد و الباقى عبيد و كلامه مالوش قولان

سجن و ترابيس أحرار محابيس

و العجل ابيس نازل تهليس

يسرق و يقولو آمين يكفر و يقولو آمين

و يقولو ده شيخ سجاده و ولى و صاحب كرامات

خدعوه حضرات الساده البهوات و الباشاوات

عشرين مليون و زيادة

كان عهد فساد أسود و سواد علا شعب أصيل و كريم

و المولا أراد كان بالمرصاد و سمع شكوا المظاليم

كان فرجه قريب و سميع و مجيب

الجيش و نجيب عملو الترتيب

و بفضل المولا عليه سعدنا تم علا ايديه

و الشعب بقت له اراده هدت كل الشنبات

و بقينا كلنا ساده و لا بهوات و لا باشاوات

عشرين مليون و زياده