ساعة الجد ساعة الجد دقت ياعمال المجد

اخر باب للظلم انهد و احنا وراه ملايين تنعد

يحمو النيل و يقيمو السد

قيمو السد قيمو السد

الوطن اتحرر و النصر كفاحه اكبر

عايز جهد اكبر يبنى و يزرع و يعمّر

مش قاصدين غير عون الله ولا فيش غيره هنترجاه

آدى دراعى و انتا معاه يحمو النيل و يقيمو السد

ساعة الجد

طول ما احنا حبايب انا و انتا نسوى عجايب

فى النار هنحارب و النار تنحنى للغالب

شارع المجد طريقه بعيد ارضه شوك مزروع فى حديد

عايز همه و عزم شديد يحمو النيل و يقيمو السد

ساعة الجد

اليوم دا يومنا و له معنا كبير فى قلوبنا

عشانه جاهدنا و كتبنا تاريخنا بايدنا

عزم ايدينا كان فى جبال تحت المايه فى ارض قنال

لما نطقها و قالها جمال جبنا ايدينا يقيمو السد

ساعة الجد

الجبل العافى هتزيحه ايديك و كتافى

بالعزم الوافى و بعرق القلب الدافى

يا ولاد عم عرب احرار يا صحاب ارض فراعنه كبار

جيش النصر عايز ثوار يحمو النيل و يقيمو السد

ساعة الجد