سوريا
علم	شعار
النشيد:حماة الديار
الاسم الاصلى
جزء من	الشرق الاوسط غرب آسيا [1]
البلد	سوريا
الارض و السكان
احداثيات	35°13′00″N 38°35′00″E / 35.216667°N 38.583333°E / 35.216667; 38.583333   [2]
القاره	اسيا [1]
مسطحات مائيه قريبه	البحر المتوسط
اعلى قمه	جبل الشيخ (2813.95 متر )
اخفض نقطه	بحيرة طبريا (-214 متر )
المساحه	185180 كيلومتر مربع
نسبة الميه	1.1 نسبة مئوية
عاصمه	دمشق
اللغه رسميه	عربى
التعداد السكانى	23865423 (2024)[3]
الذكور	11981578 (2024)[3]
الاناث	11883845 (2024)[3]
عدد سكان الحضر	12560283 (2022)[4]
عدد سكان الريف	9564966 (2022)[4]
متوسط العمر	72 سنه (2022)[4]
الحكم
نظام الحكم	نظام شبه رئاسي
التأسيس والسيادة
تاريخ التأسيس	8 مارس 1920
معامل جينى
الرقم	37.5 (2003)[5]
مؤشر التنميه البشريه
المؤشر	0.577 (2021)[6]
السن القانونيه	18 سنة
بيانات تانيه
العمله
رقم هاتف الطوارئ
دومين اعلى مستوى	.sy
أرقام التعريف البحريه	468
ايزو 3166-1 الفا-2	SY
رمز الهاتف الدولى	+963
تعديل مصدري - تعديل

سوريا (الاسم جاى م التسميه اليونانى ع السوريين و الاراميين: Σύριοι |Syrioi|) (الجمهورية العربية السورية) هى دولة من دول البحر المتوسط.

موقع منطقة سوريا الجغرافى حساس جداً و خلاها دايم على مر التاريخ معرضه للغزو الخارجى و تحويل اراضيها لساحات حرب بتتصارع عليها الجيش. عبر التاريخ سوريا ما كانتش دوله او بلد لكن كانت مجموعة مدن فى الشام زى دمشق و حلب و حماه و غيرها بيحكمها حكام مستقلين عن بعض.

حكمها المصريين و الأشوريين و البابليين و الفرس و غزاها الاسكندر الاكبر سنة 332 ق.م.، و ضمها السلوقيين، و استولى عليها الرومان و بعدين استولى عليها العرب (635) و المغول بقيادة هولاكو (1259)، و المغول تانى بقيادة غازان (1299) و غزاها تيمورلنك و دمر مدنها (1400) ، و استولى الصليبيين على اجزاء منها، و أخدت اسرائيل منها الجولان (1967) و ضمتها لنفسها. عاصمة سوريا هى دمشق من سنة 1943، اللى كانت كمان العاصمة بتاعة الأمويين، و من بعدهم حكم سوريا الأيوبيين لغاية ما احتلها المغول بقيادة هولاكو (1259)، و بعدين بقت من 1260 تابعة للدولة المملوكية فى مصر بيحكمها نواب السلطان. لغاية ما استولى عليها الأتراك العثمانيين (1516). بعد الاتراك بقت تحت الانتداب الفرنساوى حسب اتفاقية سايكس-بيكو (1916) و بعدين بقت دوله سنة 1946. سوريا و مصر عبد الناصر عملوا وحده فى فبراير سنة 1958 و سمو الدولة دى الجمهورية العربية المتحدة اللى ما عاشتش كتير و فى سنة 1961 حصل انقلاب عسكرى فى سوريا و سحبت نفسها من الاتحاد و بقت من ساعتها الجمهورية العربية السورية. فى سنة 2010 اتعرضت مناطق فى سوريا لنقص حاد فى الأكل فعملت المنظمات الانسانيه و برنامج الأغذية العالمى التابع للأمم المتحدة كوبرى جوى نقل كميات ضخمه من الغذاء.

سوريا مساحتها 185,180 كم مربع و ليها حدود مع لبنان و تركيا و فلسطين و العراق و الاردن.. من اشهر المدن اللى فى سوريا: دمشق، حلب، حماة،اللاذقية و حمص. و من اكبر الانهار اللى بتمد سوريا ب حوالى 80% من المية بتاعتها هو نهر الفرات اللى بينبع من تركيا و بيعدى فى العراق و اخيرا بيصب فى الخليج الفارسى.