لبنان
علم	شعار
الشعار الوطنى
النشيد:نشيد لبنان الوطنى
الاسم الاصلى
جزء من	الشرق الاوسط غرب آسيا اسيا [1]
البلد	لبنان
الارض و السكان
احداثيات	33°50′00″N 35°46′00″E / 33.833333°N 35.766667°E / 33.833333; 35.766667   [2]
القاره	اسيا [1]
مسطحات مائيه قريبه	البحر المتوسط
اعلى قمه	جبل القرنه السوداء (3088 متر )
اخفض نقطه	البحر المتوسط (0 متر )
المساحه	10452 كيلومتر مربع
عاصمه	بيروت
اللغه رسميه	عربى [3]
التعداد السكانى
الذكور	2814124 (2019)[4] 2748285 (2020)[4] 2713490 (2021)[4] 2662356 (2022)[4]
الاناث	2967783 (2019)[4] 2914639 (2020)[4] 2879140 (2021)[4] 2827383 (2022)[4]
عدد سكان الحضر	5131905 (2019)[4] 5035754 (2020)[4] 4982643 (2021)[4] 4900251 (2022)[4]
عدد سكان الريف	650002 (2019)[4] 627169 (2020)[4] 609988 (2021)[4] 589488 (2022)[4]
متوسط العمر	79.584 سنه (2016)[5]
الحكم
رئيس لبنان	چوزيف اون (9 يناير 2025–)
رئيس وزرا لبنان
التأسيس والسيادة
تاريخ التأسيس	22 نوفمبر 1943
الناتج المحلى الاجمالى
الاجمالى	23131941557 دولار امريكانى (2021)[6]
معامل جينى
الرقم	31.8 (2011)[7]
مؤشر التنميه البشريه
المؤشر	0.706 (2021)[8]
معدل البطاله	6 نسبة مئوية (2014)[9]
اقتصاد
معدل الضريبه القيمه المضافه	11 نسبة مئوية
السن القانونيه	18 سنة
بيانات تانيه
العمله	ليره لبنانيه
دومين اعلى مستوى	.lb
أرقام التعريف البحريه	450
ايزو 3166-1 الفا-2	LB
رمز الهاتف الدولى	+961
تعديل مصدري - تعديل

لبنان (فرنساوى: Liban; رسمى: الجمهوريه اللبنانيه, فرنساوى: République libanaise) دولة صغيرة من دول البحر المتوسط و هى ليها حدود مع سوريا فى الشمال و الشرق و اما من ناحية الجنوب فليها حدود مع اسرائيل واستقلت عن فرنسا سنة 1943. لبنان مساحتها 10,452 كيلو متر مربع و عدد سكانها بيزيد شوية عن اربعة مليون.من بعد الاستقلال و لحد الحرب الاهليه (1975-1990) و لبنان كانت مثال للحرية و التعددية فى الشرق الاوسط و كانت مشهورة باسم سويسرا الشرق بسبب و السلام و الرخاء و الغنى النسبى اللى كان سكانها عايشين فيه. عاصمتها بيروت و من مدنها المهمه صيدا و صور. مع مصر بتعتبر لبنان من المراكز الثقافيه و الحضاريه النادره فى منطقة الشرق الاوسط. من لبنان خرج عدد كبير من الكتاب و الفنانين لهم وزن من امثال جبران خليل جبران و ايليا ابو ماضى و جرجى زيدان و مى زياده و غيرهم ، و كان للبنانيين عطاء كبير فى نشر الاداب و الفنون الحديثه فى اواخر القرن 19 و بدايات القرن العشرين و بالذات فى مصر وفيها النهارده حركة نشر و ترجمه نشاط.

تاريخ لبنان و انفتاحها على العالم و اتصالها ب اوروبا عبر الزمن ادوها ميزه حضاريه و مرونه فى التعامل مع الثقافات و ده انعكس بطريقه ايجابيه على شعبها اللى اتعرف بالتمدن و الحداثه و التجاوب مع متغيرات العصر و التوليرانسيه و القدره على هضم الافكار الجديده و عشان كده رغم صغر حجم لبنان الجغرافى لكن اثرها كان كبير فى حركة النهضه و التطور اللى شافتها منطقة الشرق الأوسط من بدايات القرن العشرين و لعب اللبنانيين دور ضخم فى تأسيس و تطوير الصحافه و الكتابه و الادب و المسرح فى مصر. لكن فى الظروف الكاحله اللى حصلت مع التطورات السياسيه و العسكريه حوالين لبنان و جواها فى التلت الاخير من القرن العشرين فانفتاح لبنان و تسامحها وسط منطقه متخلفه بينتشر فيها العنف كان خرم استغلته عناصر من بره و جوه فدخلت لبنان فى مشاكل كتيره و معقده كان افظعها الحرب الاهليه اللى اندلعت فى 1975.

اسم لبنان متاخد من الجدر السامى ( الكنعانى ) ل ب ن و اللى معناه ابيض و دا فى احتمال كبير يكون اشارة للتلج اللى بيغطى جبل لبنان فى الشتا. الاسم دا مذكور فى العهد القديم و كمان فى ملحمة جلجاميش ( سنة 2900 ق ع ح )و فى نصوص اثرية تانية.

لبنان ليها تاريخ قديم ممكن عمره اكتر من سبع-ت-الاف سنة و العلما بيعتقدو ان مدينة بيبلوس (جبيل) اللبنانيه هى اقدم مدينه فى العالم لسه مسكونة لحد دلوقتى. اللبنانيين شعب عريق بترجع جذورهم للفنيقيين لكن لبنان اتعربت بعد ماستولى عليها العرب. فى العصور الوسطانيه المدن اللبنانيه زى بيروت و صور كانت من أهم موانى مملكة بيت المقدس لغاية ماطرد الأشرف خليل سلطان مصر الصليبيين من ساحل الشام ( 1290-1291 ).

• العلاقات الثقافيه مع لبنان علاقات قديمه و مهمه و ده اللى أكده السفير اللبنانى فى مصر و ده لما حضر مؤتمر مصر فى عيون اللبنانيين و اللى كان ضمن البرنامج الثقافى الدولى مصر فى عيون العالم , و حضره برضو كتير من الفنانين اللبنانيين و منهم مادلين طبر و اللى بتحضر المؤتمر بدعوه من السفاره اللبنانيه على اعتبار انها وجه اعلامى و سينمائى و بتجمع بين المعرفه بالمجتمعين ( زى ما أكد السفير اللبنانى فى تصريحاته , و كان المؤتمر بحضور احمد غانم مؤسس مصر فى عيون العالم ^[10]) .

لبنان فيها 17 دين و طايفة رسمية بتعترف بيهم الدولة. و من سنة 1932، و بسبب الحساسية الشديدة لموضوع الدين، ف مافيش اى احصاء رسمى لانتماءات السكان الدينية . بيذكر موقع السى اى اية ان حوالى 59.7% من سكان لبنان مسلمبن (سنة و شيعة و دروز و علويين و اسماعيليين) و حوالى 39% من المسيحيين (موارنة و روم ارثودوكس و روم كاتوليك و ارمن و بروتوستانت و اقباط).

و بالاضافة لل 4 مليون لبنانى اللى عايشين جوا لبنان ف فيه حوالى 18 مليون لبنانى مهاجرين لدول زى السعودية و فرنسا و اوستراليا و برازيل و امريكا

العربى هو اللغه الرسميه المفروضه بالدستور. الفرنساوى بردو لغه رسميه فى لبنان مع العربى و بتعتبر رسميه و بتستخدم على البنكنوت (مع العربى) و على المبانى الرسميه و ورق البوسته. الفرنساوى مستخدم بشكل واسع ، خصوصا فى الاغراض الاداريه و بيتدرس فى مدارس كتيره كلغه اولى مع العربي. واللبنانيين بيتكلموا انجليزى وفرنساوى كويس زائد لغتهم اللبنانى. فى الستينات حاول عالم اللغات اللبنانى سعيد عقل يكتب اللبنانى بحروف لاتينى عددها (37) بس الحكومة اللبنانيه رفضت الفكره بشدة بسبب الضغط اللى مارسوه عرب جامعة الدول العربيه. فيه مجموعة من العلما من جامعة موسكو و جامعة القاهره اتوصلو فى دراسه ان 45 % من الكلمات اللبنانى ماهياش عربى.^[11][12]

• لبنانويه
• متاحف لبنان

• لبنانيين بيطالبو بنظام علمانى

دول البحر المتوسط
دول افريقيا:  مصر  ·  ليبيا  ·  تونس  ·  الجزاير  ·  المغرب
دول اوروبا:  اسپانيا  ·  اليونان  ·  البانيا  ·  مونتينيجرو  ·  البوسنه و الهرسك  ·  كرواتيا  ·  سلوڤينيا  ·  مالطا  ·  ايطاليا  ·  موناكو  ·  فرنسا
دول آسيا:  قبرص  ·  توركيا  ·  اسرائيل  ·  فلسطين  ·  سوريا  ·  لبنان

1. موجز تاريخ لبنان نسخة محفوظة 2014-10-06 على موقع واي باك مشين.، تعرف على لبنان تاريخه

1. ↑ ^{أ ب} https://www.workwithdata.com/place/lebanon — تاريخ الاطلاع: 1 اكتوبر 2024
2. ↑   {{cite web}}: Empty citation (help)
3. ↑ الباب: 11
4. ↑ ^{أ ب ت ث} الناشر: قاعدة بيانات البنك الدولي
5. ↑ http://data.uis.unesco.org/Index.aspx?DataSetCode=DEMO_DS
6. ↑ https://data.worldbank.org/indicator/NY.GDP.MKTP.CD — تاريخ الاطلاع: 26 اغسطس 2023 — الناشر: مجموعة البنك الدولي
7. ↑ https://data.worldbank.org/indicator/SI.POV.GINI
8. ↑ https://hdr.undp.org/data-center/human-development-index#/indicies/HDI — الناشر: برنامج الامم المتحده الانمائى — تاريخ النشر: 2022
9. ↑ http://data.worldbank.org/indicator/SL.UEM.TOTL.ZS
10. ↑ # * خبر منقول عن وكالة أنباء الشرق الوسطانى و منشور فى البوابة نيوز حوالين احدى فاعليات البرنامج الثقافى مصر فى عيون العالم . نسخة محفوظة 2016-08-20 على موقع واي باك مشين.
11. ↑ معهد اللغه اللبنانى, بيدرس اللغه المحكيه اللبنانيه
12. ↑ سايت "فينيقيا" تاريخ اللغه المحكيه اللبنانيه