| ||||
|---|---|---|---|---|
 | ||||
| بوابة مدينه | ||||
| البلد |  |
|||
| التقسيم الادارى | محافظة القاهره | |||
| سنة التأسيس | ||||
| احداثيات | 30°03′15″N 31°15′53″E / 30.0542°N 31.2647°E | |||
| ||||
تعديل  |
||||
باب النصر من أبواب القاهره عاصمة مصر و هوا ده الباب اللى كانت بتدخل منه جيوش مصر اللى راجعه بالنصر. عدى فيه سلاطين مصر العظام زى الظاهر بيبرس و قلاوون و الأشرف خليل و الناصر محمد بن قلاوون بأسرى اعداء مصر. بناه جوهر الصقلى لما بنا سور القاهره و نقله بدر الجمالى مع باب الفتوح من اماكنهم الاصليه جنب زاوية القاضى لأماكنهم الحاليه. بيعتبر الباب ده من أهم الاثار الحربيه اللى بقيت فى مصر من العصور الوسطانيه . بين البدنتين فيه باب ضخم عالى فوقه فتحه حواليها افريز بيحيط بالبدنتين و عليه كتابات بتذكر اسم اللى بناه و تاريخ البنا. فوق الافريز فيه مزاغل و سلم حجرى بيوصل لسطح الباب بتصميم بيعتبر الاول من نوعه فى تاريخ عمارة العصور الوسطانيه ، و بيوصل لأبراج و أوض فيها اهم مجموعة عقود حجريه. على باب النصر منقوش نص طويل فيه اسامى الخليفه المستنصر و امير الجيوش ابو النجم بدر.
فى السيره الشعبيه المصريه المعروفه باسم " سيرة الظاهر بيبرس " دخل بيبرس القاهره اول مره فى حياته من الباب ده.
شوف كمان
لينكات برانيه
- باب النصر – صور وتسجيلات صوتيه و مرئيه على ويكيميديا كومونز
- باب النصر معرف مخطط فريبيس للمعارف الحره
مصادر
- المقريزى : المواعظ و الاعتبار بذكر الخطط و الاثار، مطبعة الادب، القاهرة 1968.
- حسن الرزاز ، عواصم مصر ، دار الشعب، القاهرة 1995
- سيرة الظاهر بيبرس ، الهيئة المصرية العامة للكتاب ، القاهرة 1996.
لم يتم العثور على روابط لمواقع التواصل الاجتماعي.
صور و ملفات صوتيه من كومنز
