كركديه

الاسم العلمى
الاسم العام
الاصنوفه الاعلى
المرتبه التصنيفيه
	معرض صور كركديه - ويكيميديا كومنز
	تعديل

كركديه اسمه العلمى (Hibiscus sabdariffa) اسمه فى الانجليزى Roselle او وردة چامايكا ، نبات طوله حوالى مترين بيتزرع فى صعيد مصر و سوريا و جنوب العراق و السودان و السنغال, و بسبب خصايصه الطبيه بيتزرع بنجاح فى المكسيك و امريكا الوسطى و الجنوبيه و جنوب شرق اسيا ، بما فيها جنوب الصين. مكان زهرة الكركديه التاريخى هو مصر و شمال شرق افريقيا. الكركديه بنتمى لعيله من النباتات اسمها عيلة مالفاسى (عيلة الخبيزيات) و اللى بتضم كمان الباميه و الخبيزه و القطن. السبلات بتاعة زهرة الكركديه بيبقا لونها احمر و لما بتتنشف و تتغلى فى المايه السخنه او تتنقع فى المايه البارده بيتعمل منها مشروب ليه ريحه مميزه.مشروب الكركديه او مشروب الكركريه فى اللغه السواحليه المتلج بيتقال عليه فى الغالب عناب و هو من اكتر المشروبات اللى ليها شعبيه فى مصر و السودان و بيتقدم علا القهاوى. المشروب دا كمان بيبيعوه العطارين علا انه واحد من النباتات الطبيه و بيتقال انه بيساهم فى علاج ليسته طويله من الامراض من اول تنزيل ضغط الدم العالى لحد التخسيس و معالجة الاكتئاب و تقليل التبويض و الخصوبه عن الستات و كمان فى تحسين الحركه الدوديه فى المصارين و فى علاج المغص و اعراض ما قبل الدوره الشهريه.

لكن خد بالك كويس لو اتغلا بيرفع الضغط و اللى عنده ضفط عالى لازم يشربه منقوع علا البارد بس و مش اكتر من 24 ساعة لأنه بيطلع منه املاح تؤثر على الكلى

مراجع