شوكولاته

صنف فرعى من	مواد غذائيه منشطه ، وتوابل ، وحلويات ، بونبون
اللون	بنى
المواد	سكر ; زبدة الكاكاو ; كاكاو ; زيت نباتى
ينتج من	كاكاو
النوع	مواد غذائيه منشطه ، وتوابل ، وحلويات ، بونبون
المكونات الرئيسية	كاكاو و سكر و زبده
	تعديل

شوكولاته Chocolate يعنى حلويات من كاكاو

اسم شوكولاته

بالمصرى شوكولاته
بالانجليزى chocolate
بالايطالى Cioccolato
بالفرنساوى Chocolat
بالاسپانى Chocolate
بالبرتغالى Chocolate

مكونات شوكولاته

" شُوكولاته " هيا حلويات من كاكاو مع زبده و سكر او عسل و حاجات تانيه زى لبن و مكسرات و زبيب و جوز هند و غيره

استعمالات شوكولاته

مشروب كاكاو يعنى شوكولاته سخن و بارد
شوكولاته بتتاكل لوحدها
شوكولاته بتدخل فى عمل حلويات كتيره زى چيلاتى و ايس كريم و كلوكلو و كاستر و كيك شوكولاته و جاتوه و تورته و بتيفور و كوكيز و بسكوت بشوكولاته و غيره.

اصل الشوكولاته

اكتشفت الشوكولاته أوّل مره فى قارة أمريكا الجنوبيّه، نتيجة انتشار شجرة الكاكاو فى المنطقه دى.

اصل كلمة شوكولاته

كلمة شوكولاته اصلها اسپانى و مشتقه من اسم مشروب كان معروف فى حضارة الأزتيك (فى المكسيك) اسمه xocóatl (شوكواتل) أو xocolatl شوكولاتل ( بلغة ناواتل يعنى مايه مره )، و يتألف من مزيج من كاكاو و مايه و ڤانيليا و فلفل .

الوان شوكولاته

ابيض: زبده كاكاو و سكر و لبن من غير كاكاو
بنى: زبدة كاكاو و سكر و لبن و كاكاو
بنى غامق: زبدة كاكاو و سكر و كاكاو
بنى غامق اوى: زبدة كاكاو و سكر و و كاكاو و بن

انواع شوكولاته

الشوكولاته ليها انواع كتير زى :

شوكولاته بيضا

زبدة كاكاو و لبن و سكر

لونها ابيض و طعمها حلو اوى .

هيا اكتر الانواع اللى فيها سعرات حراريه .

شوكولاته بلبن

شوكولاته فيها لبن ، لونها بنى ، طعمها حلو.

شوكولاته غامقه

شوكولاته من غير لبن

لونها بنى غامق، طعمها بين مر و حلو .

شوكولاته ببن

شوكولاته فيها بن

شوكولاته ببندق

شوكلاته فيها بندق

شوكولاته بفزدق

شوكولاته فيها فزدق

شوكولاته بجوز

شوكولاته فيها جوز

شوكولاته بلوز

شوكولاته فيها لوز

شوكولاته بسودانى

شوكولاته فيها سودانى

شوكولاته بزبيب

شوكولاته فيها زبيب

شوكولاته بفراوله

شوكولاته فيها مربا فراوله

شوكولاته ببرتقان

شوكولاته فيها مربا برتقان

شوكولاته بكرامللا

شوكولاته فبها كرامللا

شوكولاته بنوجه

شوكولاته فبها نوجه

شوكولاته بجوزهند

شوكولاته فيها مربا جوزهند

تاريخ

كلمة شوكولاته انتشرت من اللغه الاسپانيه للغات الدنيا . مش معروف ازاى دخلت كلمة Chocolate للاسبانيه ، بس أغلب الآراء بتقول ان الكلمه مشتقّه من لغة ناواتل، اللى كانت بيتكلمو بيها فى الأزتيك، و من كلمة chocolātl شوكولاتل، اللى بتقول شوية مصادر انها ممكن تكون مشتقه من xocolātl شوكولاتل (ʃokolaːtɬ)، اللى تجمع بين كلمة xócoc بمعنا مرر ، و بين ātl بمعنى مايه أو مشروب.[2]

الباحث اللّغوى الامريكانى وليام برايت قال ان كلمة chocolatl شوكولاتل مش موجوده فى المصادر المكسيكيه فى فتره الاستعمار ، يعنى شكّك فى أصل التسميه المذكوره قبل كدا .قدّم الكاتب المكسيكى فرانشيسكو سانتاماريا تصوّر حول اشتقاق الكلمه انّ الكلمه أصلها من كلمة chokol شوكول فى لغة المايا اليوكاتيه اللى معناها سخن، و من كلمة atl يعنى مشروب ، يعنى معنا الكلمه (مشروب سخن). يتوافق الطرح دا مع عادات المايا فى شرب شوكولاته سخنه ، علا عكس الأزتيك، اللى كانو بيشربوها بارده. فى رأى تانى ، إنّ التسميه دى مشتقّه من cacahuatl كاكاهواتل مشروب الكاكاو ، من لغة ناواتل، بس المستعمرين الاسپان بدّلو كلمة caca بكلمة chocol من لغة المايا ، اللى معناها سخن ، بئت الكلمه فى النهايه chocolatl.

صور

مصادر

حلويات تانيه

شوف كمان

حلويات

مصادر