رشيد الدين الهمذانى
معلومات شخصيه
الميلاد	همدان
الوفاة	تبريز
مواطنه	إيلخانية مغول فارس
الحياه العمليه
المهنه	مؤرخ ، ودكتور ، سياسى
اللغات المحكيه او المكتوبه
مجال العمل	طب
تعديل مصدري - تعديل

رشيد الدين فضل الله الهمذانى - بالفارسى : رشیدالدین فضل‌الله همدانی - ( 1247 - 1318 ).^[1] اكبر و اشهر المؤرخين الفرس فى الدوله الإيلخانيه فى القرنين 13 و 14. كتابه الموسوعى " جامع التواريخ " بيعتبر أحسن و اكمل كتاب إتكتب عن تاريخ مغول فارس. كتابه اللى فصل فيه تاريخ المغول من ايام چنكيز خان وحروبهم ايام هولاكو و غازان اهتم بيه المؤرخين و المستشرقين و الدارسين فى كل العالم و إترجم للغات كتيره لإنه مصدر اساسى عن تاريخ المغول و جغرافيا المنطقه اللى اتوسعوا فيها و حروب المغول ضد مصر و تواطؤ حكام الشام و تحالفهم مع المغول قبل و وقت معركة عين جالوت بين مصر و المغول.

عن طريق شغلته الاساسيه كطبيب دخل البلاط الملكى المغولى الفارسى فى عهد اباقاخان (1265 - 1282 )، وبقى وزير لغازان خان سنة 1298 و استمر فى المركز ده فى عهد اولجايتو بن ارغون خان . إنتهت حياته بإعدامه بعد ما اتهمه منافسيه بتسميم اولجايتو.^[1]

فى سنة 1980 إتباعت مخطوطة كتاب جامع التواريخ بالعربى فى صالة مزادات سوثبى فى لندن لجامع التحف الإيرانى ناصر داوود خليل بـ 850.000 جنيه إسترلينى و نشرها فى كتاب قيم خدمه للعلم و الدارسين.

إتولد رشيد الدين فى عيله بيعتقد ( بالإستناد على الصقاعى فى كتابه " المنهل الصافى " بس ) إنها كات يهوديه مع إن رشيد الدين أنكر ده و قال إنها قصه من إختراع اعداءه. ومن الممكن إنهم نسبوه لأصل يهودى بسبب معرفته الواسعه و كتابته الدقيقه عن عادات اليهود. بيقول رشيد الدين عن أبوه : " شهرة أبويا بترجع أولا وقبل كل حاجه لطهارة اخلاقه و شدة تمسكه بإسلامه "، وموفق الدوله جد رشيد الدين كان عايش فى قلعة الموت ، حصن الإسماعيليه ، لما إستولى عليها هولاكو. لكن ممكن طبع إن اجداده كانو يهود .^[2]

• ابو بكر بن عبد الله بن أيبك الدوادارى : كنز الدرر وجامع الغرر، ( 9 اجزاء) مصادر تأريخ مصر الاسلامية ،المعهد الألمانى للآثار الاسلامية، القاهرة 1971.
• المقريزى : السلوك لمعرفة دول الملوك ( 8 اجزاء)، دار الكتب, القاهرة 1996.
• رشيد الدين فضل الله الهمذانى : جامع التواريخ، تاريخ غازان خان، الدار الثقافية للنشر، القاهرة 2000
• رشيد الدين فضل الله الهمذانى : جامع التواريخ، الإيلخانيون، تاريخ هولاكو ، دار إحياء الكتب العربية
• رشيد الدين فضل الله الهمذانى : جامع التواريخ، الإيلخانيون، تاريخ ابناء هولاكو من آباقاخان الى كيخاتوخان ، دار إحياء الكتب العربية
• القلقشندى : صبح الأعشى فى صناعة الإنشا ( 16 جزء )، دار الفكر، بيروت.
• قاسم عبده قاسم (دكتور) : عصر سلاطين المماليك - التاريخ السياسى و الاجتماعى, عين للدراسات الانسانية و الاجتماعية, القاهرة 2007.
• Amitai-Preiss, Reuven, Mongols and Mamluks: The Mamluk-Ilkhanid War, 1260-1281 ، Cambridge University Press 2004, ISBN 0-521-52290-0
• Curtin, Jeremiah,The Mongols, A History,Da Capo Press 2003 ISBN 0-306-81243-6
• Runciman, Steven, A history of the Crusades 3. Penguin Books, 2002
• ( أرنولد توينبى) Toynbee, Arnold J., Mankind and mother earth, Oxford university press 1976
• The New Encyclopædia Britannica, Micropædia,H.H. Berton Publisher,1973-1974
• The New Encyclopædia Britannica, Macropædia,H.H. Berton Publisher,1973-1974