بوابة:الحروب الصليبيه

الحروب الصليبيه

بوابة تاريخ الحروب الصليبيه من ويكيبيديا مصرى

الحروب الصليبيه حروب طويله شنها الكاتوليك فى اوروبا على المسلمين فى شرق و جنوب البحر المتوسط بين القرنين 11 و 14 ، بتحريض من باباوات الكنيسة الكاتوليكيه ، على شكل حملات عسكريه (حملات صليبيه Crusades) ، كان هدفها أخد المقدسات المسيحيه واراضي جنوب البحر المتوسط بإعتبارها ورث شخصي لكنيستهم من المسيح و من الرومان، وتأمين طرق الحجاج اللى جايين من اوروبا، و إقامة مملكة القدس ( مملكة أورشليم ). لعبت غارات السلاجقه و توسعهم فى اسيا الصغرى دور فى قيام الحروب الصليبيه. بدأت الحروب الصليبيه سنة 1096 بحمله شعبيه قادها پيتر الناسك Peter the Hermit ( بطرس الناسك ) اللى عمرها ما وصلت بيت المقدس ، و خلصت بشكلها الضخم المنظم بهزيمة لويس التاسع Louis IX (القديس لويس ) هزيمه ساحقه فى مصر سنة 1250 ، ووفاته وقت الحمله الصليبيه التامنه على تونس سنة 1270. الحروب الصليبيه ما كانتش حرب بين كل المسيحيين و المسلمين لكن كانت حرب بين الكنيسه الكاتوليكيه اللاتينيه و المسلمين. فى مصر بالذات ما حصلش فى اى مرحله من مراحل الصراع ان مسيحيين مصريين انضمو للصليبيين او ساعدوهم. فى الشام انضم مسلمين للصليبيين زى ما حصل فى معركة هربيا ...