| ||||
|---|---|---|---|---|
 | ||||
| صنف فرعى من | مسيحيه غربيه | |||
| التأسيس | 10 نوفمبر 1517 | |||
تعديل  |
||||
الپروتيستانتيه (المانى: Protestantismus; انجليزى: Protestantism) ، مذهب من المذاهب المسيحيه ابتدت فى شمال اوروبا فى بدايات القرن الستاشر كحركه دينيه منشقه على الكنيسه الرومانيه الكاتوليكيه اللى بيتزعمها بابا الكاتوليك ( بابا الفاتيكان دلوقتى ). المذهب البروتيستانتى فى نفس الوقت اتقسم لمذاهب كتيره بتختلف فى حاجات لكن بتتفق فى حاجات. بدات البروتيستانتيه بتمرد مارتين لوثر على البابا و الكنيسه الكاتوليكيه سنة 1517 فحرمه البابا من الكنيسه و طرده لكن لوثر استمر فى تمرده و حرق وثيقة الحرمان ، و اسس كنايسه الانجيليه المنشقه فى المانيا و اسكندنافيا و قامت صراعات دمويه و فكريه و عداوه كبيره بين الكنيستين . و انبثق من المذهب البروتيستانتى مذهب تانى هو المذهب الكالفينى اللى اسسه جون كالفين فى سويسرا. فى انجلترا ظهر توماس كرانمير و اسس كنيسة انجلترا الاصلاحيه ، و بعده اسس جون كنوكس كنيسه متطرفه اكتر فى اسكوتلاندا. العداوه ما بين الكنيسه الكاتوليكيه و الكنايس البروتيستانتيه استمرت لقرون طويله حصلت فيها صراعات مسلحه ، و فى ايرلاندا قامت حرب اهليه ما بين الكاتوليك و البروتيستانت اتقتلت فيها اعداد كبيره من الناس.
بتتضمن الپروتيستانتيه على افكار تحرريه فى المسيحيه و التسامح الدينى. الشخص فيها مسئوليته فرديه قدام الاله وحده و مش قدام الكنيسه ولا بواسطتها، و بكده قلصت الپروتستانتيه التقاليد المسيحيه القديمه و السلطه الدينيه المتحكمه زى ما هى موجوده فى الكاتوليكيه و الكنايس الشرقيه. فيها مذاهب كتيره زى الادڤنست و ال پيوريتانيه (انجليزى: Puritans) و العصريه و اللوثريه (انجليزى: Lutheranism) و غيرها. الپروتستانت ما عندهمش بابا زى الكاتوليك و الارتودوكس، و بيعتبروا اكتر عصريه.
التوزيع الجغرافى
المذهب الپروتستانتى نشا فى المانيا و منها انتشر لبلاد كتيره اغلبهم فى غرب و شمال اوروبا و فى امريكا و اوستراليا. عدد المسيحيين الپروتستانت فى مصر حوالى 100,000 واحد بيمثلو 0.13% من عدد سكان مصر الاجمالى.
دى اكبر عشر دول فى العالم فيها پروتستانت:
