هالو امريكا Hello America فيلم كوميدى مصرى انتاج سنة 2000 بطولة عادل امام و شيرين

هالو امريكا Hello America
الصنف	كوميدى
تاريخ الصدور	8 يناير 2000
مدة العرض	115 دقيقه
البلد	مصر
اللغه الاصليه	مصرى
مواقع التصوير	نيويورك ، وولاية نيويورك ، امريكا
الطاقم
المخرج	نادر جلال
البطوله	عادل امام و شيرين
معلومات على
IMDb.com	tt1527119
السينما.كوم	1009038
تعديل

هالو امريكا فيلم من افلام السينما المصريه. هالو امريكا اتعمل سنه 2000 تأليف لينين الرملى. اخراج نادر جلال.بطولة عادل امام و شيرين . قبله فيلمين من نفس السلسله بخيت وعديله سنة 1995 و بخيت وعديله 2 الجردل و الكنكه سنة 1997

بخيت و عديله اترفدو من مجلس الشعب بعد ما اتحكم عليهم سجن شهر مع ايقاف التنفيذ عشان قضية الآداب .نوفل ابن عم بخيت يكلمه عشان يساعده فى بيع له ارض بتاعته فى العجمى فى اسكندريه بخيت يطلب من نوفل دعوه لزيارة الولايات المتحده و يبعتها له .بخيت و عديله يروحو امريكا. عربيه سايقاها بنت مرشح لرياسة الولايات المتحده اسمه چاكسون تخبط بخيت خبطه خفيفه من غير اى ضرر. بخيت ما كانش عايز يعمل حاجه ابن عم بخيت يقنعه يبتز ابو اللى خبطته و يطلب تعويض كبير. بخيت يعترف لبنت مرشح رياسة الولايات المتحده ان مفيش اى ضرر حصل له نتيجة الخبطه و تسجل له كلامه لكن ما تستعملش التسجيل ضده لانه عجبها . كان عايز يحبها قالت له انها مخطوبه. مرشح رياسة الولايات المتحده ينجح و يدفع لبخيت تعويض خمسين مليون دولار لكن المحامى و ابن عم بخيت يقولو ان تكاليف القضيه و المصاريف تلاته و خمسين مليون دولار يعنى بخيت و عديله رغم التعويض مديونين لهم بتلاته مليون دولار . بخيت و عديله يحاولو يهربو بشنطة فلوس التعويض لكن يطاردوهم المحامى و ابن عم بخيت و واحده ضخمه متجوزها علا الورق و عرب و اسلامجيه و اقباط عايزين فلوس. بخيت و عديله بيجرو و يرمو فلوس عشان اللى بيطاردوهم يبطلو يجرو وراهم . بخيت و عديله يعدو كوبرى ع الحدود بعد ما فلسو لكن يضحكو بعد ما بقو فى امان برا الولايات المتحده .

• عادل امام:بخيت حنيدق المهيطل
• شيرين:عديله على صندوق
• هانم محمد:عزيزه ام بخيت
• اسامه عباس:نوفل مارك
• ايناس مكى: كاتى
• كاتيا : مارلين چاكسون
• رشدى المهدى : فرانك . محامى
• ستونه:باربارا

• يوتيوب

https://m.youtube.com/watch?v=OEti32GYwFE

• السينما.كوم

https://elcinema.com/work/1009038/

الصفحه دى فيها تقاوى مقاله عن فيلم. و انت ممكن تساعد ويكيپيديا مصرى علشان تكبرها.