مويزيا (بالانجليزي: Moesia بتتنطق:مويـچـيا) هى منطقه تاريخيه فى اقليم البلقان و كانت ولايه رومانيه لفتره طويله من الزمن . مويزيا موجوده ع الضفه الجنوبيه لنهر الدانوب , و مساحتها بتشمل تقريب كل المساحه الحاليه لدولت صيربيا و اجزاء من مقدونيا و بلغاريا و رومانيا

المصادر التاريخيه بتقول ان حدود مويزيا من الجنوب هى جبال البلقان و من الغرب نهر درينوس و من الشمال نهر الدانوب و من الشرق البحر الاسود. اغلبيت السكان التاريخيين للمنطقه من التراقيين و سكان اقليم داتشيا. و اسم المنطقه نفسو جاى من كلمت "مويزي" و دى كانت كلمه بتطلق ع الشعب التراقى اللى كان ساكن المنطقه قبل غزو ليها. اغلب اجزاء مويزيا كانت خاضعه تاريخى للملوك التراقيين بالاضافه لمنطقت شمال البلقان . بعد فتره قصيره من الوحده بين سنت 82 - 44 قبل الميلاد , مويزيا اتقسمت لممالك صغيره ضعيفه , و فى سنت 29 الممالك دى خضعت لسلطت الامبراطور الرومانى اغسطس اللى نظمها لأول مره كولايه رومانيه سنت 6 قبل الميلاد . بس سنت 86 ميلادى الملك الداتشى دوراس نظم جيش محلى و هاجم بيه الجيش الرومانى فى مويزيا , الامبراطور الرومانى دوميتيان اتحرك بنفسو مع جيش عشان يقضى ع التمرد ده , و بعد ما خلص عليه , قسم مويزيا إدارى لأول مره لجزئين : مويزيا العليا و مويزيا السفلى . فى سنت 101 ميلادى الامبراطور تراجان وصل لمويزيا و قاد بنفسو حمله تانيه للقضاء على اخر نفس لمملكت داتشيا , و اخد لقب داتشيوس ماكسيموس Dacicus Maximus يعنى "سيد داتشيا" .^[1] بس الرومان انسحبوا من داتشيا بعدها فى سنت 275 ميلادى , و سابوها للقوطيين فى عهد الامبراطور الرومانى اورليانوس اللى انسحب بجيشه و نقل معاه السكان الموالين لروما من داتشيا للمنطقه الآمنه جنوب الدانوب . بعد سنت 238 داتشيا بقت مفتوحه سداح مداح اودام دخول قبايل القوطيين و الجرمان اللى اتسمح لهم يعدوا نهر الدانوب و يستوطنوا مويزيا , لكن بسبب خلافاتهم مع السكان المحليين دخلوا فى حرب مع الرومان و قدروا ي غلبو الامبراطور الرومانى فالنس سنت 376 ميلادى . من ضمن القوطيين اللى استوطنوا فى مويزيا كان راهب اسمه اوليفلاس و كان اول واحد ترجم الكتاب المقدس للغه القوطيه. خلال القرن الخامس منطقت شرق اوروبا اتعرضت لحملات عسكريه كبيره من قبايل الهون الاسيويه اللى جه معاها موجات هجرة ضخمه من وسط اسيا . احد الشعوب اللى جت مع غزو الهون لاوروبا كان الشعب البلغارى اللى وصل للمنطقه و استقر فيها فى اوائل القرن السادس. سنت 680 ميلادى البلغار قدروا يستولوا على مويزيا من ايدين الامبراطوريه البيزنطيه و يأسسوا فيها اول امبراطوريه بلغاريه

من المدن المهمه فى مويزيا العليا: سنجدونوم اللى هى دلوقتى بلجراد عاصمت صيربيا و سكوبى عاصمت كرواتيا. و فى مويزيا السفلى مدينت نيكوبوليس اللى هى نيكوب دلوقتى و مدينت أوديسوس اللى هى فارنا دلوقتى و مدينت تومى اللى هى نفسها مدينت كوستانتا اللى اتنفى ليها الشاعر الرومانى اوفيد.

1. ↑ "De Imperatoribus Romanis"