غادة رجب[1][2] ( 26 ديسمبر1985[3][4]) مغنيةمصريه, اشتهرت بعد أغنية وحياتى ف سنة 2002م. ابوها هو الدكتور رضا رجب العازف المعروف على آلة الكمان و عميد المعهد العالى للمزيكا العربية سابقا و أمها خريجة كلية التربية المزيكا.[5][6]
ابتدت فى عالم الغناء من لما كانت طفله فى سن التمن سنين، اتلقبت و هى طفله بالطفلة المعجزة بسبب موهبتها اللى كانت فوق سنها ب سنين و غنت أصعب الأغانى و كان أول ظهورها ليها فى عيد القمح و غنت رائعة موسيقار الأجيال محمد عبد الوهاب, كانت أول أغنيه خاصه بيها و كانت اسم أول ألبوماتها ياخساره اثناء حرب الخليج.[7][8]
شاركت فى طفولتها فى كتير من الحفلات و كان ليها علامات كثيره منها العيد السنه دى و رمضان كريم و و انا م البلد دى و أغنية الشهادة شيماء شهيدة الاٍرهاب و اوبريتات أعياد الطفولة منها أوبريت الأمثال الشعبية و أوبريت حورس .
اتعاونت غادة مع اكبر الملحنين و الشعرا فى مصر و العالم العربى زى: بليغ حمدى ، محمد الموجى ، سيد مكاوى ، حلمى بكر ، عمار الشريعى ، سلامى شاهين، عمر خيرت، رضا رجب، محمد على سليمان، كاظم الساهر، الياس رحباني، احسان المنذر و الشعراء نزار قباني، عبد الوهاب محمد، سمير الطاير، سيد حجاب، جمال بخيت، عبد السلام امين، صلاح فايز، بهاء الدين محمد، عماد حسن، عرض بدوي، أيمن بهجت قمر و امير طعيمه و حصلت غادة على الكتير من الجوايز على مر تاريخها الفنى .[9]
تعتبر هيا أول مطربه مصريه عربيه تغنى باللغة التركيه و حققت نجاح فى تركيا و تعاونت مع اكبر الملحنين و الشعراء و الموزعين و الموسيقيين هناك أمثال سلامى شاهين و عازف الكلارينيت التركى العالمى حسنو و حصلت على اكتر من جايزة كونها أول مطربه مصريه عربيه تغنى باللغة التركيه و لقبت بالجسر الثقافى الفنى مابين مصر و تركيا
