عباس حلمى الاول
عباس حلمي الأول
معلومات شخصيه
الميلاد	10 نوفمبر 1813   جده
الوفاة	بنها
مواطنه	امبراطوريه عثمانيه
ابناء	ابراهيم الهامى باشا
الاب	طوسون باشا
عيله	عيلة محمد على
معلومات تانيه
المهنه	سياسى ، ملك
تعديل مصدري - تعديل

عباس حلمى الاول ( جده ، 1 يوليه 1813 - بنها ، 13 يوليه 1854 ). تالت حكام مصر من اسرة محمد على. والى مصر من 10 نوفمبر 1848 لغاية وفاته سنة 1854. ابن احمد طوسون باشا ابن محمد على باشا. اتولد فى جده و نشأ فى مصر. اهتم بيه جده محمد على باشا عشان يأهله لحكم مصر إكمنه كان اكبر افراد اسرة محمد على فى السن و أحقهم بولاية الحكم بعد عمه ابراهيم باشا ، فإداله مناصب ادارية و حربية ، وعينه فى منصب مدير الغربيه لكن عباس الاول ماكانش ادارى كويس و اتميز بالقسوه فى تصرفاته فكان محمد على باشا بيحذره من مغبة تصرفاته. شارك مع عمه ابراهيم باشا فى الحرب فى الشام لكن ما أظهرش كفاءه و عمه ابراهيم باشا كان هو كمان مش عاجباه ميله للقسوه و معاملته الوحشه للاهالى فأجبره على الهجره للحجاز فعاش هناك لغاية ماإتوفى ابراهيم باشا فإستدعى على مصر و خلفه فى الحكم فى 24 نوفمبر 1848.

فضل عباس حلمى فى الحكم لمدة خمس سنين و نص و فى الفتره دى اتصرف تصرفات وحشه مع افراد اسرته و رجالة جده و كان موسوس منهم و بيشك فى انهم بيتأمرو عليه فبقا بيعاملهم وحش فخافو منه و فيهم هاجرو علا استنبول و اوروبا. شخصيه عباس حلمى الاول كانت غريبه و كان شكاك فى الناس و عشان كده كان ميال للعزله و مابيخرجش الا نادر من سراياته اللى كان بيبنيها فى اماكن بعيده عن العمران. بإستثناء سراية الخرنفش و سراية الحلميه فى القاهره بنى قصر فى صحرة الريدانيه اللى اتحولت لمنطقة العباسيه علا اسمه " عباس " ، و بنا قصر علا طريق السويس و قصر فى بنها علا ضفة النيل و هو القصر اللى اتقتل فيه.

رجع ادارة موانى سواكن و مصوع للدوله العثمانيه. قفل مدارس و معاهد كتيره و عاش عيشه فيها بذخ و ترف و ماهتمش بشئون الدوله ، فضعف الجيش المصرى و البحريه المصريه فى عهده. اتفتح ف عهده اول خط سكه حديد ف مصر. مات فجأه و كان موته بالاغتيال ف قصره ف بنها ف 13 يوليه سنة 1854 و خلفه عمه محمد سعيد.

التعليم ف عصر عباس الاول 1849-1854

اتسما عصره بعصر الالغا فى التعليم لانه قفل المدارس اللى فتحها جده كلها

وكان من الاوائل اصحاب نظرية (من الاسهل ان تسوس شعب جاهل)

كان عباس راجل متزمت و كان بيكره الاجانب عشان كده اتخلص منهم وكمان ابتدا يتخلص من المربيين ومنهم رفاعه رافع الطهطاوى اللى نفاه للخرطوم و هو بدوره انشأ مدرسه هناك .

عباس كان محتاج دكاتره لعلاجه هو و عيلته فساب مدرسة الطب

وكمان كان عاوز مهندسين عشان يبنو له القصور عشان كده برضه ساب المهندسخانه

عباس كمان لغا اغلب المدارس العسكرية و ضمها كلها فى مدرسه واحدة سماها المغروزه و اتبع عمه سعيد نفس السياسه من بعده

• افتتاح اول خط سكه حديد فى مصر.

• اسرة محمد على
• حكام عيلة محمد على باشا

فيه فايلات فى تصانيف ويكيميديا كومونز عن:

عباس حلمى الاول