ديموقراطيه
بيتكون من	رئيس
عكسه	اوتوقراطيه
تعديل

الديموقراطيه ( يونانى: δημοκρατία ، انجليزى: Democracy )، مفهوم سياسى قديم بدا ايام المدينه-الدوله فى اتينا القديمه. و كان ده فى القرن الخامس قبل الميلاد ، و الكلمه دى بتتكون من كلمتين يونانيين وهما: " ديموس δῆμος " و " كراتوس κράτος ". كلمة ديموس معناها الشعب ، وكلمة كراتوس معناها سلطه ،. معان ديموقراطيه : حكم شعب و بكدا هى عكس استبداد فرد او جماعه معينه دينيه او عرقيه او غيرها بالسلطه.

النظام الديموقراطى بمفهومه الغربى بيعتمد بشكل كبير على اللى كان موجود فى اتينا القديمه فى اليونان اللى كان النظام الديموقراطى فيها بيتشكل من حاجتين مختلفين عن بعض ، الاولانيه : عباره عن مجلس بيتكون من حوالى 500 عضو بياخدوا الافكار التشريعيه اللى المواطنين بيقدموها وبعدين يجهزوها على شكل مشروعات قوانين. و التانيه: عباره عن جمعيه من المواطنين ، وده كان نوع من الديموقراطيه المباشره. و كان المواطنين الاتينيين LES CITOYENS ليهم الحق فى الكلمه و التصويت قدام الجمعيه دى اللى كان اسمها اكليزيا ECCLESIA.

مع الوقت ، اتطورت الديموقراطيه وظهرت بشكلها الموجود دلوقتى فى اواخر القرن التمنتاشر و بدايات القرن التسعتاشر.

بطبيعة الحال النظام الديمقراطى مضاد للنظام الديكتاتورى القايم على حكم استبدادى بيقوم بيه فرد او جماعه زى ما كان فى نظام النازى فى المانيا و فى النظام الناصرى فى مصر و النظم الدينيه فى العصور الوسطا و العصر الحديث.

تبتدى البلاد الجديدة بتأسيس نظام ديموقراطيتها علا اساس الدستور اللذى بيحدد :

1. دستور علمانى اساسه المبادئ فوق الدستوربه زى العلمانيه و الحريه و المساواه و الرحمه بيساوى بين الناس و بيمنع سوء استغلال اى سلطه و بيفصل بين الدوله و اى دين عشان الحريه و المساواه و عشان منع استغلال الدين فى السياسه

2. مدة خدمة الرئيس قابله للمد مره واحده. لكن بعض الدول مش بتعمل كدا

3.برلمان حر ممكن يحاسب اى مسئول

4. نظام و استقلال محكمه دستوريه عليا ، تراعى ان الفوانبن ماشيه مع الدستور ، و مع المبادئ فوق الدستوريه زى العلمانيه و الحريه و المساواه و الرحمه . 5. استقلالية القضاء ، وان يكون الجميع فعلا اودام القانون زى بعض ، من الرئيس ل أصغر مواطن عادى .

6. استقلالية الصحافه ، و تعدد وسايل الإعلام عشلن ما تسيطرش جهة علا تعريف الناس بالامور .

7 . احزاب تقوم بإقناع الجمهور ببرنامج اصلاحاتها ، وبحسب أغلبية اعضاء الحزب فى البرلمان ممكن تكوين الحكومة ، ممكن تكون حكومة حزب او تآلف بين كزا حزب اكتر للحصول علا اكتر من نص كراسى البرلمان

8. منع سوء استغلا السلطه زى ان القبض علا المتهم لابد و انه يكون بأمر قضائى ، و لمدة ايام قليلة تحت التحقيق . و لازم ابلاغ اهله و تعريفهم بمكان حجزه فى 24 ساعة ، كمان ان ممكن لأهله زيارته لمنع سوء المعاملة فى الحجز. و "من حق " المشتبه بيه الاتصال بمحامى يدافع عنه . ممكن لأعضاء البرلمان استدعاء جلسه خاصخ - ممكن أن تذاع فى التلفزيون مباشره - وتقوم بسؤال الوزير .

9. تفعيل اتحادات العمال و النقابات و استقلاليتها بضمان الدستور .

10. الديموقراطيه يعنى تأليف دستور ينظم العلاقات بين المؤسسات التنفيذيه الكبيره فى البلد و تراقب بعضها باستقلاليه ، ويكون لكل منها رقيب يحاسبها علا اساس الدستور و المبادئ فوق الدستوربه زى العلمانيه و الحريه و المساواه و الرحمه.