| ||||
---|---|---|---|---|
البلد | ![]() | |||
غناء | عبد الحليم حافظ | |||
اللغه | مصرى | |||
انتاج | 1960 | |||
الملحن | كمال الطويل | |||
المؤلف | احمد شفيق كامل | |||
تعديل ![]() |
حكاية شعب
كلمات
كورس :قلنا هنبنى و آدى احنا بنينا السد العالى
يا استعمار بنيناه بايدينا السد العالى
من اموالنا بايد عمالنا هى الكلمه و آدى احنا بانينا
عبد الحليم : اخوانى.. تسمحو لى بكلمه؟
كورس : هيه
عبد الحليم : الحكايه مش حكاية السد
حكاية الكفاح اللى ورا السد .. حكايتنا احنا
حكاية شعب للزحف المقدس قام و ثار
شعب زاحف خطوته تولع شرار
شعب كافح و انكتب له الانتصار .. تسمعو الحكاية؟
كورس : بس قولها من البدايه
عبد الحليم : هى حكاية حرب و تار بينا و بين الاستعمار
فاكرين لما الشعب اتغرب جوه فى بلده؟
كورس : آه فاكرين
عبد الحليم : و المحتل الغادر ينعم فيها لوحده؟
كورس : مش ناسيين
عبد الحليم: و المشانق للى رايح و اللى جاى
ودم أحرارنا اللى راحو فى دنشواى
كورس : آه فاكرين
عبد الحليم : من هنا كانت البدايه.. و ابتدا الشعب الحكايه
كان كفاحنا بنار جراحنا يكتبه دم الضحايا
كورس : و انتصرنا انتصرنا انتصرنا
عبد الحليم : انتصرنا يوم ما هب الجيش و ثار
يوم ما أشعلناها ثورة نور ونار
يوم ما أخرجنا الفساد.. يوم ما حررنا البلاد
يوم ما حققنا الجلاء
كورس : انتصرنا انتصرنا انتصرنا
عبد الحليم : رجعت الارض الحبيبه الطيبه لايدين صحابها
التقينا العز فيها و الكنوز تايهه فى ترابها
قلنا نلحق نبنى مستقبلها و نرجع شبابها
كورس : نعمل ايه؟
عبد الحليم : كان طبيعى نبص للنيل اللى أرواحنا فى ايديه
ميته فى البحر ضايعه و الصحارى فى شوق اليه
قلنا نبنى سد عالى سد عالى سد عالى
بص الاستعمار صعب حالنا عليه .. ليه نرجع مجدنا ونعيده ليه؟
كورس : يعمل ايه؟
عبد الحليم : راح علا البنك اللى بيساعد ويدى
قاله حاسب .... قالنا مالكمش عندى
كورس : قلنا ايه؟
عبد الحليم : كانت الصرخه القويه من الميدان فى اسكندريه
صرخة اطلقها جمال.. احنا أممنا القنال
كورس : احنا أممنا القنال.. احنا أممنا القنال
عبد الحليم: ضربه كانت من معلم
كورس : خلا الاستعمار يسلم
عبد الحليم : و الحصار الاقتصادى
كورس : برضه ماذلش بلادى
عبد الحليم : جاب سلاحه و طياراته غواصاته و دباباته.. و اعتدا علشان نسلم
كورس: هو مين؟ لأ ده بعده.. هو اللى اتلقا وعده
عبد الحليم : كنا نار أكلت جيوشهم .... نار تقول هل من مزيد
انتصرنا و لسه عارهم .... ذكرا فى تراب بورسعيد
و العروبه فى كل دار وقفت معانا
والشعوب الحره جت ع اللى عادانا
كورس : و انتصرنا انتصرنا انتصرنا
عبد الحليم : آدى حكاية الشعب .. شعب للزحف المقدس قام وثار
شعب زاحف خطوته تولع شرار .. شعب حقق له جمال الانتصار
و انتصرنا انتصرنا انتصرنا