جمبرى

الاسم العلمى
الاسم العام
الاصنوفه الاعلى
رمز يونيكود	🦐، 🍤
	تعديل

جمبرى Gamberi بالايطالى ( مفرده جمبرييايه) Gambero بالايطالى . جمبرى بالانجليزى Shrimp ، حيوان قشرى ، من فصيلة استكوزا و كبوريا، له انواع كتيره منتشره فى البحور المالحه و الأنهار و البحيرات الحلوه فى الاماكن الدافيه ، بتتاكل منه انواع كتيره.

جمبرى بلغات

جمبرى اسمه العلمى caridea . جمبرى اسمه لاتينى squilla .جمبرى فى المصرى اصلها طليانى . جامبيرى gamberi و معناها بالايطالى جمبرى كبير مفرده جامبيرو gambero . جمبرى صغير بالايطالى جامبريتى gamberetti . فيه نوع يشبه الجمبرى بس له مخالب صغيره الايطاليين بيسموه سكامپى scampì. جمبرى بالفرنساوى crevette. الجمبرى بيتسما فى سوريا قريدس و دى كلمه اصلها تركى karides و بيتسما فى الامارات روبيان و دى كلمه اصلها فارسى. فى المغرب بيتسما "قمرون"اللى متاخده من الاسبانى camaron . بالبرتغالى camarao. جمبرى بالانجليزى shrimp. الانجليز بيسمو الجمبرى الكبير prawn لكن الامريكان كل الجمبرى الكبير و الصغير اسمه shrimp

جمبرى و سمك جوبى

نوع جمبرى كبير له مخالب اسمه Pistol shrimp بيعيش مع سمك جوبى Goby . الجمبرى بيساعد فى فحر الجحر و السمك بينبه الجمبرى لو فيه خطر لان الجمبرى نظره ضعيف

https://m.youtube.com/watch?v=qHE0Jgmbtsg

جمبرى علا شجر

فيه نوع جمبرى بتاع مايه عذبه فى شرق اسيا اسمه Cherry Shrimp ممكن يطلع علا شجر

https://m.youtube.com/watch?v=hc63_SlXFLg

جمبرى مايه عميقه

اغلب الجمبرى بيعيش فى مايه مش عميقه لكن فيه انواع بتعيش فى مايه عميقه

اكلات جمبرى

الجمبرى بيتباع بقشره او متقشر.فيه بيسلقوه بقشره بس الاحسن يكون متقشر

جمبرى مسلوق:جمبرى مقشر و حتت طماطم و جتت فلفل اخضر و حتت بصل و توم مفروم و ملح و فلفل و كمون و شطه و خل و عصير لمون و مايه مغليه . بتحط علا نار لغاية ما يستوى
جمبرى مقلى: جمبرى مقشر يتقلى بسمنه و يتحط عليه ملح و فلفل و كمون و شطه و توم مفروم و شوية خل و عصير لمون . ممكن يتسلق قبل ما يتقلى
جمبرى صياديه : جمبرى مقشر و رز و حتت طماطم و صلصة طماطم و ملح و فلفل و كمون و شطه و حتت بصل و توم مفروم و شوية خل و عصير لمونه و زيت او سمنه و مايه مغليه علا نار لغاية ما يستوى
جمبرى مع مكرونه: جمبرى مقشر و مكرونه و ملح و فلفل و كمون و شطه و حتت بصل و توم مفروم و شوية خل و عصير لمون و زيت و مايه مغليه علا نار لغاية ما يستوى
كفتة جمبرى:جمبرى مفروم و رز مطحون و بيض و و بصل مفروم و توم مفروم و ملح و فلفل و كمون و شطه و شوية خل و عصير لمون . يتعملو صوابع او اقراص و يتقلو فى زبده او سمنه او زيت . ممكن بعد ما يتقلو يتحطو فى صلصة طماطم عليها كمون و عصير لمون