انفيرنو
المؤلف	دانتى اليجييرى
بلد المنشأ	ايطاليا
تاريخ النشر	1304
النوع الادبى	ملحمه
تعديل

انفيرنو او الجحيم ، هى الجزء الاول من الكوميديا الالهيه ، اللى كتبها دانتى فى القرن الاربعتاشر و بيعتبر اعظم عمل ادبى اتكتب باللغة الايطاليه ، الملحمة بتتكلم عن رحلة دانتى للجحيم مع فيرجيل ، و بتتخيل الجحيم ، حسب المفهوم المسيحى فى العصور الوسطى ، و بيقابل شخصيات تاريخية و اسطوريه هناك دخلوا النار بسبب ذنوبهم ، زى ما الكنيسة الكاتوليكيه شايفه و بيورى تفاصيل عذابهم و حياتهم هناك. دانتى وصف تسع دواير للأنفيرنو او الجحيم ، من الأسهل الى الأشد و كل دايرة ليها عذابها حسب خطيئة سكانها. الملحمة اترجمت للغات كتير مع بقية الكوميديا الالهيه .

اول دواير الانفيرنو هى الليمبو ، بالانجليزى: Limbo او الحد ، هى اقرب دواير الجحيم للجنة ، و سكانها المسيحيين اللى مش متعمدين و و الناس اللى مش مسيحيين و الوثنيين ، اللى كانو كويسيين و اطهار ، بس داخلوا النار عشان هم مش مسيحين . سكان الدايرة دى عايشين من غير عذاب بس ممنوعين يدخلوا الجنة. اشهر السكان اللى دانتى ذكرهم فى الملحمة كانو هوميروس ، هوراتيوس ، اوفيد ، ابن رشد ، فيرجيل ،ابن سينا ، ايكليديس ، اريسطو ، افلاطون ، سقراط و صلاح الدين الأيوبى و يوليوس قيصر و كمان شاف شخصيات اسطوريه زى اورفيوس ، هيكتور و اليكترا و غيرهم.

الدايرة التانيه سكانها اللى ارتكبوا خطيئة و مشوا ورا شهواتهم و من سكانها سميراميس و كليوباترا و دايدو و هيلين و أخيل.

سكانها يسمح بالشره و الفجع انها تتحكم به.

سكانها اللى كانو متعلقين بالماديات و كانو جشعيين فى حياتهم.

فى الدايرة الخامسه سكانها اللى سمحوا للغضب بالتحكم فى حياتهم ، و فيها نهر ستيكس ، النهر الاسطورى فى الميثولوجيا اليونانيه اللى بيفصل العالم و العالم السفلى . تحت النهر فيه مدينة ديس ، اللى سكانها ارتكبوا ذنوب و خطايا العقل او الفلسفه مش قادرين يفسروها .

سكانها الهراطقة اللى أبدعوا فى تفسير الحياة و الدين مخالفة عن مبادئ المسيحية اللى الكنيسة الكاتوليكيه شايفها .

سكانها خلى العنف طريقة للحياة.

سكانها خلى الغش و الخداع اسلوب فى حياته.

سكان الدايرة التاسعه هم قام خان. فرق دانتى انواع الخيانة و بتتقسم لأربع دواير :

• المستديرة الأولى محجوزة لمن خان احد أنسابه
• المستديرة التانيه محجوزة لمن خان شعبه او وطنه
• المستديرة التالته محجوزة لمن يخون زواره او مضيفيه.
• المستدير الرابعه محجوزة لمن خان سيده او اللى أحسن اليه.

فى وسط الجحيم ، موجود الشيطان ، اللى موصوف بوحش عملاق بتلات وشوش بالوان مختلفة ، اللى قام بالخطيئة و الخيانة العظمى

• دانتى اليجييرى
• انفيرنو (رواية دان براون)