العيال كبرت
العيال كبرت مسرحيه مصريه كوميديه مشهوره من تأليف بهجت قمر و اخراج سمير العصفورى اتعرضت اول مرة علا المسرح فى سنة 1979. بطولة سعيد صالح و احمد زكى, يونس شلبى و ناديه شكرى و حسن مصطفى و كريمه مختار
| ||||
|---|---|---|---|---|
 | ||||
| البلد |  مصر
| |||
| النوع الفني | كوميدى | |||
| المؤلف | بهجت قمر | |||
| اللغة الأصلية | مصرى | |||
| إخراج | سمير العصفورى | |||
| بطولة | سعيد صالح و يونس شلبى و احمد زكى و ناديه شكرى و حسن مصطفى و كريمه مختار | |||
تعديل  |
||||
الشخصيات الاساسيه
- سعيد صالح : (سلطان) الابن الكبير
- احمد زكى :(كمال) الابن الوسطانى
- يونس شلبى :(عاطف) الابن الصغير
- ناديه شكرى :(سحر) بنتهم
- حسن مصطفى: (الاب: رمضان السكرى)
- كريمه مختار (الام: زينب)
قصة المسرحيه
الابن الوسطانى كمال (احمد زكى) اخد شنطة ابوه (رمضان السكرى) بالغلط و اكتشف فيها جواب غرامى موجه لواحده ست تانيه غير امه (كريمه مختار), فقرر انه يجمع اخواته عشان يشوفو طريقه يقعدو ابوهم معاهم و يستنا مرتبط بامهم و ميفككش العيله بتاعتهم, فقررو انهم يحاولو يرضوه بأى طريقه و يعملو له اللى هو عايزه و بيقول عليه و يصححو كل الغلطات و الحاجات اللى كانت مضايقه ابوهم عشان ميسافرش مع الست التانيه اللى عايز يتجوزها بعد ما يطلق امهم و يسيبهم و يسافر بره.
نهاية المسرحيه
حصلت تغيرات كبيره ف اخر المسرحيه للشخصيات الاساسيه
- رمضان السكرى: بيرجع ف كلامه و يستنا مع عيلته.
- زينب: بتبتدى تهتم اكتر بجوزها.
- سحر : كانت بتفكر انها تشتغل رقاصه فى كابريه ف الاول, بس غيرت رأيها فى الاخر و قربت اكتر من ابوها.
- كمال: كان بيفكر انه يتجوز جارتهم الست الكبيره اللى عندها عيال, بس غير رأيه فى الاخر و قرر انه هيرتبط ببنت اده فى السن زى ما ابوه كان مقترح عليه.
- سلطان : قرر انه هيسيب حياة الصياعه و الضياع اللى كان عايش فيها و حصل تحسن فى سلوكه و بئا مؤدب و محترم و قرر انه هيلتزم ف الدراسه عشان ياخد شهادته و يتخرج من المدرسه.
- عاطف : قرر انه هيركز فى دراسته و قرر انه يسيب الوهم اللى كان عايش فيه, و مكلف والده فلوس كتير علا الفاضى, انه مقتنع ان سعاد حسنى بتحبه
طاقم العمل
تمثيل
سعيد صالح (سلطان)
يونس شلبى (عاطف)
احمد زكى (كمال)
حسن مصطفى (رمضان السكرى)
نبيله السيد (زينب (العروض الأولى))
كريمه مختار (زينب (بعد اعتذار نبيلة السيد))
مشيره اسماعيل (سحر (العروض الأولى))
ناديه شكرى (سحر (بعد اعتذار مشيره اسماعيل))
تصوير
فتحى عبدالعال (مدير التصوير)
صادق نويرة (مصور)
عبدالله مصطفى (مصور)
ديكور
هانى المصري (مهندس الديكور)
فاروق عبدالنبي (منفذ الديكور)
اخراج
سمير العصفورى (مخرج مسرحى)
عبدالله الشيخ (مخرج تلفزيونى)
انتاج
شكرى عبدالوهاب (مدير الانتاج)
سمير خفاجى (منتج)
تأليف
بهجت قمر (مؤلف)
لينكات برانيه
- يوتيوب: العيال كبرت
https://m.youtube.com/watch?v=5Jqx1sren5o
- السينما.كوم: العيال كبرت
https://elcinema.com/work/1010954/
مصادر
- السينما.كوم