ابن ميمون
(بالعبرى: משה בן מימון)
،  و
معلومات شخصيه
الميلاد	30 مارس 1138 [1]  كوردوبا [2]
الوفاة	13 ديسمبر 1204 (66 سنة)[3]  القاهره [4]
مكان الدفن	طبريا
مواطنه	الاندلس [5]
ابناء	ابراهيم بن موسى بن ميمون
الحياه العمليه
المدرسه الام	جامعه القرويين
المهنه	فيلسوف ،  والاطباء الادباء ،  وحاخام ،  وعالم فلك ،  وكاتب [6]،  ودكتور [7]
اللغات المحكيه او المكتوبه	العبريه [8]،  وعربى [9]
مجال العمل	فلسفه ،  وطب [10]،  والتوراه ،  وهالاخاه ،  وفلسفه يهوديه [10]،  ويهوديه [10]
اتأثر بـ	ابن سينا [11]،  والفارابى ،  وابن باجه ،  واريسطو ،  وابن رشد
التوقيع
تعديل مصدري - تعديل

موسى بن ميمون بن عبد الله القرطبى - الراب (الحاخام) موشيه بن ميمون بالعبرى רבי משה בן מימון -، اتلقب بـ ابو عمران، (كوردوبا، الاندلس، 30 مارس 1135 - القاهره، مصر، 13 ديسمبر 1204)، بيترمز لاسمه بالعبرى "راب موشيه" بالحروف الاولى "رم بم" רמב"ם.

كان عالم موسوعى يهودى اتبحر فى علوم الدنيا و الدين زى الفلسفه و الطب و الرياضيات، لدرجة ان اليهود بيقولو " ما ظهرش راجل زى موسى من ايام موسى غير موسى " يعنى ما اتولدش زى النبى موسى فى المكانه و العلم غير موسى بن ميمون.

اضطر موسى بن ميمون انه يسيب كوردوبا فى الاندلس و يروح على فلسطين و بعد ما قعد هناك شويه راح على مصر و اشتغل حكيم طب خاص للامير نور الدين على اكبر أولاد السلطان صلاح الدين الايوبى، و فى القاهره الف كتب فى الطب و الفلسفه و اللاهوت من اشهرها " مشناة توراة " و " دلالة الحائرين " و الكتاب ده كتبه بالعربى و بعدين اترجم للعبرى و ناقش فيه فكرة الوحدانيه و دحض فيه فكرة اللى بيقولو بأزلية الكون.

لموسى بن ميمون معبد معروف باسم "معبد موسى بن ميمون" و موجود فى شارع درب محمود فى حارة اليهود فى القاهره القديمه كانت بتتعمل فيه الشعاير الدينيه لغاية سنة 1960، و فى سنة 1986 اتسجل كأثر بسبب اهميته التاريخيه و الدينيه و المعماريه. موسى بن ميمون كان مدفون فى مدفن مخصوص جنب المعبد ده لكن اتنقل لطبريه.

المعبد متقسم تلت اقسام، قسم للصلا و الشعاير الدينيه اليهوديه، و قسم بيشمل المدفن اللى كان مدفون فيه موسى بن ميمون و اوده صغيره بيبات فيها اليهود اللى طالبين الشفا و بير مايه بتستخدم فى التطهير. القسم التالت بيتكون من أوض مخصصه لرجال الدين اليهودى و المشرفين على ادارة المعبد و فيه حمامات و بلكونه للستات بتطل على بيت الصلا لان الستات و الرجاله بيصلو منفصلين و كان المتبع ان الرجاله تصلى و الستات يبصو من البلكونه و يتابعو الصلا فى صحن المعبد.

حالة المعبد كانت وحشه جداً بسبب الاهمال و كانت اجزاء منه قربت من وطأة المايه الجوفيه اللى ارتفع منسوبها و كانت حا تغرق المعبد لكن ابتدت عمليات جديه لترميمه و من المتوقع انه يتفتح فى 30مارس 2010 فى يوم عيد ميلاد موسى بن ميمون.

• فيديو: ترميمات معبد موسى بن ميمون.
• احتفالات افتتاح معبد موسى بن ميمون بعد الترميمات. Archived 2010-07-10 at the Wayback Machine

• زاهى حواس، من ايام موسى لم يظهر الا موسى بن ميمون، الشرق الأوسط، العدد 11307، 12 نوفمبر 2009.

فيه فايلات فى تصانيف ويكيميديا كومونز عن:

ابن ميمون